Xaaskisa iyo qoyskeeda ayuu siiyay jaceel, xushmad

 Xaaskiisa iyo qoyskeeda ayuu siiyay Jaceel, xushmad, qadarin, iyo wanaag badan si uu uga helo nolal farxad leh lkn kama helin waxa uuna ka bixi waayay buuq iyo dagaal joogto ah. 

Waxa uu u waday dalxiis iyo tamashleen oo dalka iyo dibada ah, goobo ay aad u jecleed ayuu geeyay sidaas oo kale kuma helin daganaan iyo farxad. 

Iyadoo aan ogeyn ayuu suuqa tagay waxa uuna u keenay hadiyo qaali ah oo qurux badan, sida Dahab, dhar cajiib ah, guriga ayuu ka badalay waxa uuna ka dhigay boqorad ku nool qasri qurux badan, wali ma helin farxad iyo qadarin. 

Mar kasta waa ku qeylisaa, dood joogto ah, mararka qaar isagoo la joogo saaxibadiis ayey soo wacdaa si xun ayey u canaanataa, waqtiyada qaar waxaa dhacda in shaqada darteed uga soo tago si uu u xaliyo lkn kuma guuleesto. 

Gabadha waxey aaminsaneed in aan nin leesku jilcin, haddii lagu qeyliyo uusan ku dhiiran karin dhibkeeda iyo qiyaanadeeda sidaas ayeyna kula dhaqantay. 

Ugu dambeyn ninkii waa furay gabadhii uu jeclaa wuuna ka calool goostay, hadda, iyadaa jacel, wax kasta oo ay sameysay waa ku dhiiran la'yahay in uu ku laabto nolasheeda, qoyskeeda oo dhan, asxaabteeda iyo dadka yaqaano oo dhan waxey dhahaan "nin wanaagsan ayaa ka soo tagtay oo boqor ah oo naxariis badan" ! 

Markasta oo sidaas la dhaho waa sii waalataa murugo iyo walwal kii hore ka sii weyn ayeyna ka qaadaa. Waa murugo xanuun badan. 

TALO 

Ma jiro noole ka wanaag badan qof jeclaaday naftaada iyo tan qoyskaaga oo xoog xoolo iyo isugu geeyay dhowrida sharafkaaga, farxadaada ee haddii aadan wax ku tari karin abaalkiisa ha iloobin.

W/Q Hussein Abdulle Mohamed